أهلا بيكم في برنامجنا "الجريدة اليوم"
طبعا كلكم عارفين إن فيه خناقة حصلت بين رعاة لوط و رعاة إبراهيم في تكوين 13: 27 و ده كان علشان الارض ما كانتش مكفياهم هما الإثنين ، فدلوقتي إحنا معانا إبراهيم النهاردة في البرنامج ‘ ها نسأله بعض الحاجات.
المذيعة : أهلا بيك يا إبراهيم معانا النهاردة.
إبراهيم : أهلا
المذيعة : إحنا مبسوطين أوي علشان إنت معانا النهارد
إبراهيم : أنا كمان مبسوط جدا إني معاكم في الحقيقة
المذيعة : كنا عايزين نسألك ليه إنت و لوط إنفصلتم عن بعض ؟
إبراهيم : الحقيقية إحنا كنا عايشين حياة حلوة لحد ما ف يوم حصل تنازع بين رعاتي و رعاة لوط إبن أخي، علشام المكان ما كنش مكفيهم هما الاثنين.
المذيعة : و بعد كده إيه اللي حصل يا إبراهيم ، إنت عملت حاجة ؟
إبراهيم : طبعا ، أنا لما لقيتهم بيتخانقوا ، رحت قلت للوط " مايكونش خصام بيني و بينك و بين رعاتي و رعاتك ، لأننا إخوة ، هي مش ألارض كلها قدامنا ؟ إختار مكان بعيد عني ، لو رحت شمال ها أروح أنا يمين ، و لو إخترت اليمين ها أروح أنا شمال." راح لوط رفع عينيه و إختار كل دائرة الأردن. لكن مع الأسف كان كل أهل سدوم و عمورة أشرار و خطاة في عينين الله جدا.
المذيعة : هل ربنا عمل أو قال لك حاجة ؟
إبراهيم : طبعا ربنا ما نسينيش. ده بعد ما لوط مشي مع رعاته ، ربنا قال لي "إرفع عينيك و انظر من الموضع الذي أنت فيه شمالا و جنوبا و شرقا و غربا. و ربنا كافئني علي تنازلي للوط في الإختيار بإنه أعطاني كل الأرض التي أراها لي و لنسلي من بعدي.
المذيعة : و هل ربنا عمل حاجة تانية ؟
إبراهيم : ده كمان قال لي إنه ها يجعل نسلي زي تراب الأرض في الكثرة
المذيعة : و بكده جه وقت نهاية حلقتنا النهاردة و إحنا كنا مبسوطين معاك قوي يا إبراهيم
إبراهيم : و أنا كمان
و إستنونا في الحلقة الجاية من الجريدة اليوم
مع تحيات : سارة سمير
ليست هناك تعليقات:
إرسال تعليق